Вы тут

Шляхецкія быліцы Адама Міцкевіча


Днямі ў Дзяржаўным музеі гісторыі беларускай літаратуры адкрыта часовая літаратурна-мастацкая экспазіцыя «Шляхецкія быліцы Адама Міцкевіча», прысвечаная 220-гадоваму юбілею з дня нараджэння паэта.


Даследчык Зміцер Юркевіч паказвае копіі метрык з запісамі аб хрышчэнні і шлюбе.

Назва выстаўкі па задуме стваральнікаў мусіць адлюстраваць жыццё беларуска-літоўскай шляхты. Унікальныя інтэр’еры сталовага пакоя, музычнага салона (з яго легендарным курантавым гадзіннікам, які адбіваў «Марш Дамброўскага»), партрэты продкаў — уражанне, што пераносішся ў часы «Пана Тадэвуша».

— Мы не маглі не згадаць адзін з самых буйных твораў Міцкевіча, — распавядае экспазіцыянер Вольга Гулева. — Стварэнне паэмы было для яго спробай аднавіць у памяці жыццё ў літоўскіх засценках — там, дзе ён пачуваўся шчаслівым. У Парыжы ён чытаў знаёмым свой твор па старонках, вяртаючыся ў думках да каранёў, у дзяцінства.

Таксама ёсць на выстаўцы і дакументы, прадстаўленыя Польскім інстытутам, якія тычацца дзейнасці Таварыства філаматаў і філарэтаў. Але сапраўднай сенсацыяй сталі адшуканыя ў Дзяржаўным гістарычным архіве Літвы даследчыкам Зміцерам Юркевічам метрыкі з запісамі аб хрышчэнні Адама Міцкевіча (1798 г.), аб шлюбе Мацея Маеўскага і Ганны Гарэшкі (1763 г.) — дзядулі і бабулі паэта, а таксама аб хрышчэнні яго маці Барбары Маеўскай (1769 г.).

— Геній паэта належыць да культур розных народаў: беларускага, літоўскага, польскага, рускага. Постаць класіка сягае сусветнага маштабу, таму ўшанаванне яго памяці павінна творча, эмацыянальна і культурна яднаць нашыя народы, паляпшаць паразуменне на аснове прынцыпаў гуманізму, дэмакратызму, нацыянальных каштоўнасцяў, — зазначыў Іван Саверчанка, дырэктар Інстытута літаратуразнаўства імя Янкі Купалы.

Гэта толькі пачатак святочных падзей па захаванні і папулярызацыі спадчыны філаматаў і іх выбітнага прадстаўніка, што запланаваныя на юбілейны год.

Таццяна БУДОВІЧ-БАРАДУЛЯ

Фота Аксаны Жлобіч

Дадаць каментар

Выбар рэдакцыі

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.

Спорт

Настасся Чарняўская: Трэба, каб людзі ведалі: бадмінтон — рэальны спорт

Настасся Чарняўская: Трэба, каб людзі ведалі: бадмінтон — рэальны спорт

Якія задачы ставяцца перад камандай у 2019 годзе і што самае важнае ў бадмінтоне?

Грамадства

Які ўрок лепшы: перакулены або традыцыйны?

Які ўрок лепшы: перакулены або традыцыйны?

Як зрабіць, каб у вучняў загарэліся вочы?

Грамадства

Губернатар Гродзеншчыны - пра перспектыўныя праекты рэгіёна

Губернатар Гродзеншчыны - пра перспектыўныя праекты рэгіёна

Горад-спадарожнік, анкалагічны цэнтр, «вёскі будучыні»...