19 Люты, панядзелак

Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» расказваем пра матч Кубка Федэрацыі Беларусь — Германія, выступленне гандбольнага СКА ў розыгрышы Кубка ЕГФ і жаночай баскетбольнай зборнай у адборы на чэмпіянат Еўропы.


1. Жаночая тэнісная зборная прайграла камандзе Германіі з лікам 2:3 у чвэрцьфінальным матчы Кубка Федэрацыі.

Фота Ганны ЗАНКАВІЧ.

У першы дзень спаборніцтваў, 10 лютага, Арына Сабаленка ўзяла верх над Таццянай Марыяй, а затым Аляксандра Сасновіч саступіла Антоніі Лотнэр. Падчас матча Аляксандра адчула праблемы са здароўем, яна дайграла сустрэчу, але з адмоўным для каманды вынікам. Медыцынскае абследаванне пасля гульні пацвердзіла асцярогу ўсёй каманды ў тым, што Сасновіч не зможа дапамагчы тэнісісткам у нядзелю, таму капітан каманды Эдуард Дуброў зрабіў аператыўную замену Аляксандры на Веру Лапко.

У нядзелю маладая тэнісістка саступіла Таццяне Марыі, а потым Арына Сабаленка перайграла Антонію Лотнэр, пасля чаго лёс матча вырашыўся ў драматычнай парнай сустрэчы.

У ёй Арына Сабаленка і Лідзія Марозава ва ўпартай барацьбе саступілі нямецкаму дуэту Ганна-Лена Грэнефельд/Таццяна Марыя.

— Наша задача цяпер вярнуцца ў І Сусветную групу, таму што наступны этап у красавіку ўжо будзе пераходны, за права застацца ў васьмёрцы наймацнейшых, — падводзіць вынікі сустрэчы Эдуард Дуброў. — Апошнім часам нам ледзь-ледзь чагосьці не хапае. У нас няма топавай пары, якая стабільна гуляе на турнірах. У цэлым я задаволены камандай! Калектыў наш мне падабаецца: згуртаваны, хоча гуляць, удасканальвацца, прагне перамог, ніхто не раскісае, а, наадварот, прымушае сябе працаваць далей, гатовы ўжо на наступным тыдні ехаць і гуляць на турніры.

Зборная Германіі ў барацьбе за выхад у фінал згуляе з тэнісісткамі Чэхіі, якія ў 1/4 перайгралі ў Празе швейцарак з лікам 3:1. Яшчэ ў адным чвэрцьфінале францужанкі адолелі на сваёй пляцоўцы бельгіек — 3:2. У паўфінале каманда Францыі згуляе са зборнай ЗША, якая перамагла ў сябе дома тэнісістак Нідэрландаў.


2. Жаночая зборная краіны па баскетболе прайграла камандзе Турцыі ў заключным матчы першага круга кваліфікацыйнага раўнда чэмпіянату Еўропы — 54:64. Самай выніковай у складзе беларусак аказалася натуралізаваная амерыканка Алекс Бэнтлі, якая набрала 12 ачкоў.

Наступны паядынак у кваліфікацыйнай групе В беларускія баскетбалісткі таксама правядуць на дамашняй пляцоўцы ў сталічным Палацы спорту. Заўтра іх сапернікам будзе зборная Польшчы, якая напярэдадні выйграла ў Таліне ў эстонак з лікам 87:68.

Нагадаем, на старце адборачнага турніру ў лістападзе 2017 года беларуская дружына перамагла полек — 70:62, а затым у Мінску разграміла саперніц з Эстоніі з лікам 80:63.

Становішча камандаў у групе В: Турцыя — 6 ачкоў, Беларусь — 5, Польшча — 4, Эстонія — 3.


3. Жаночая зборная Беларусі па індор-хакеі стала бронзавым прызёрам Кубка свету ў Берліне. У матчы за трэцяе месца беларускі сустрэліся з саперніцамі з Украіны і дабіліся перамогі — 2:1.

Адзначым, што наша зборная ўпершыню стала бронзавым прызёрам Кубка свету, да гэтага найлепшым вынікам каманды было чацвёртае месца ў 2011 годзе ў Познані. Цяпер у сусветным рэйтынгу зборная Беларусі займае пятае месца.


4. Гандбалісты мінскага СКА няўдала стартавалі ў групавым этапе розыгрышу Кубка ЕГФ. У дамашнім паядынку першага тура спаборніцтваў армейцы саступілі нямецкаму «Магдэбургу» з лікам 31:33. Наступны матч СКА правядзе 17 лютага ў гасцях у славацкага «Татрана» з Прэшава

Дар'я ЛАБАЖЭВІЧ

Загаловак у газеце: Галава закружылася не толькі ў Сасновіч

Дадаць каментар

Выбар рэдакцыі

Палітыка

Прэзідэнт паўдзельнічаў у выбарах і адказаў на пытанні журналістаў

Прэзідэнт паўдзельнічаў у выбарах і адказаў на пытанні журналістаў

За каго аддаць свой голас, якога кандыдата лепей абраць у дзень выбараў у мясцовыя Саветы дэпутатаў? 

Калейдаскоп

Як прайшоў фінал нацыянальнага адбору на «Еўрабачанне»

Як прайшоў фінал нацыянальнага адбору на «Еўрабачанне»

Беларусь на конкурсе прадставіць украінец ALEKSEEV.

Культура

«Бум культурных стартапаў стане новым вітком эканомікі»

«Бум культурных стартапаў стане новым вітком эканомікі»

Некалькі месяцаў таму адна з найпапулярнейшых сталічных вуліц Кастрычніцкая ўзбагацілася на яшчэ адно «тусовачнае» месца — «Ок16».

Калейдаскоп

Вясёлыя гісторыі чытачоў

Вясёлыя гісторыі чытачоў

Праславіў Някрасаў рускую жанчыну, на вякі праславіў!