Вы тут

Навукоўцы аднавілі аблічча Неферціці?


Адна з самых характэрных егіпецкіх мумій атрымала твар: навукоўцы аднавілі аблічча маладой жанчыны, якая магла быць маці фараона Тутанхамона.


У 1898 годзе ў даліне Цароў была знойдзена мумія, занесеная ў рэестр пад імем KV35YL («YL» — ад англ. Younger Lady — «юная лэдзі»; першыя літары і лічбы — парадкавы нумар грабніцы). Доўгі час спецыялісты спрабавалі ўсталяваць яе асобу.
У 2001—2003 гадах егіптолагі знайшлі шэраг ускосных прыкмет, якія пацвярджалі царскае паходжанне муміі. Тады ж была зробленая першая рэканструкцыя яе прыжыццёвага аблічча, у выніку чаго выявілася падабенства з сусветна вядомай Неферціці (яе знешнасць вядомая дзякуючы бюсту, знойдзенаму ў 1912 годзе). Аднак многія навукоўцы не пагадзіліся з гэтымі высновамі, а праведзены ў далейшым аналіз ДНК канчаткова абверг гіпотэзу аб царыцы.

«Юная лэдзі» была ідэнтыфікаваная як маці Тутанхамона. Паводле некаторых здагадак, яна таксама была і сястрой фараона Эхнатона, але гэта даказаць не атрымліваецца: з-за пастаянных роднасных скрыжаванняў, прынятых у той час, усталяваць выразныя генетычныя лініі вельмі складана.

Гісторыя гэтай жанчыны працягвае займаць навукоўцаў, і нядаўна даследчык Эйдэн Додсан з Брыстальскага ўніверсітэта атрымаў дазвол на далейшыя даследаванні муміі. Спецыялісты правялі трохмернае сканіраванне і склалі лічбавую карту твару. Для трохмернай рэканструкцыі была запрошаная Элізабэт Дэйніс — палеамастак, якая ўжо працавала над узнаўленнем твараў старажытных людзей, у тым ліку самога Тутанхамона. Па выніках яе працы высветлілася, што «Юная лэдзі» ўсё ж вельмі падобная да Неферціці. На аснове гэтага некаторыя навукоўцы зноў заявілі, што KV35YL і з'яўляецца знакамітай царыцай, але з улікам астатніх гістарычных даных гэта так і застаецца гіпотэзай.

Іван КУПАРВАС

Загаловак у газеце: Неферціці ці проста «юная лэдзі»?

Дадаць каментар

Выбар рэдакцыі

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.

Спорт

Настасся Чарняўская: Трэба, каб людзі ведалі: бадмінтон — рэальны спорт

Настасся Чарняўская: Трэба, каб людзі ведалі: бадмінтон — рэальны спорт

Якія задачы ставяцца перад камандай у 2019 годзе і што самае важнае ў бадмінтоне?

Грамадства

Які ўрок лепшы: перакулены або традыцыйны?

Які ўрок лепшы: перакулены або традыцыйны?

Як зрабіць, каб у вучняў загарэліся вочы?

Грамадства

Губернатар Гродзеншчыны - пра перспектыўныя праекты рэгіёна

Губернатар Гродзеншчыны - пра перспектыўныя праекты рэгіёна

Горад-спадарожнік, анкалагічны цэнтр, «вёскі будучыні»...