15 Жнівень, серада

Вы тут

Кіраўніцтва "Белавіі" пракаментавала прэтэнзіі лаўкостара "Перамога"


Кіраўніцтва "Белавія" пракаментавала папрокі лаўкостара "Перамога" ў тым, што беларуская авіякампанія нібыта абслугоўваецца ў расійскіх аэрапортах па такіх жа тарыфах, як унутраныя расійскія авіякампаніі, а расійскія авіякампаніі ў нашых аэрапортах плацяць больш, чым беларуская.


"Чым больш ты лётаеш у аэрапорты, тым лепшыя ў цябе там умовы, - адзначыў гендырэктар "Белавіі" Анатоль Гусараў. - Справа ў тым, што ў аэрапортах няма жорсткай сістэмы, калі адна і тая ж авіякампанія абслугоўваецца толькі па адным і тым жа тарыфе. Так, мы маем невысокія тарыфы ў тых расійскіх аэрапортах, куды лятаем. Але тыя авіякампаніі расійскія, якія выконваюць у тыя ж аэрапорты шмат рэйсаў, плацяць за абслугоўванне менш, чым мы. Гэта нармальная практыка ў любым аэрапорце свету".

Намеснік генеральнага дырэктара "Белавіі" па маркетынгу Ігар Чаргінец растлумачыў таксама, што, незалежна ад тарыфаў аэрапортаў, авіякампаніі плацяць яшчэ і за аэранавігацыйнае абслугоўванне падчас палётаў над краінай. У "Белавіі" ўспамінаюць, што па прычыне высокіх тарыфаў на аэранавігацыйнае абслугоўванне далёкія рэйсы ў Навасібірск, Екацерынбург і Самару прыйшлося закрыць.

Акрамя таго, нагадалі ў "Белавіі", падчас палётаў над Сібірру замежныя авіякампаніі павінны плаціць пэўную суму за кожны рэйс.

"Гэта сітуацыя, калі ты павінен плаціць роялці, толькі за факт, што ты ляціш, плаціць "Аэрафлоту", пры гэтым ніякіх аэранавігацыйных паслуг "Аэрафлот" табе не аказвае".

news.tut.by

Дадаць каментар

Выбар рэдакцыі

Прэзідэнт

Чаму буксуе «аршанская мадэль»?

Чаму буксуе «аршанская мадэль»?

Вынікі рэзананснай камандзіроўкі Прэзідэнта ў Аршанскі раён падвялі на спецыяльнай нарадзе — не абышлося без адставак.

Грамадства

Якія патрабаванні прад'яўляюцца да новых падручнікаў?

Якія патрабаванні прад'яўляюцца да новых падручнікаў?

У наступным навучальным годзе ў беларускіх школах будуць выкарыстоўвацца 44 новыя вучэбныя дапаможнікі. 

Грамадства

Не багі гаршкі абпальваюць...

Не багі гаршкі абпальваюць...

...а ўдзельнікі шостага міжнароднага пленэру ганчароў, які нядаўна прайшоў у вёсцы Гарадная Столінскага раёна.