Вы тут

БРСМ заклікае моладзь рабіць cэлфі на выбарчых участках


Мінская гарадская арганізацыя БРСМ прэзентавала конкурс cэлфі «Моладзь_выбірае». Яго галоўнай мэтай з'яўляецца павышэнне электаральнай актыўнасці хлопцаў і дзяўчат, прыняць удзел у ім зможа кожны малады выбаршчык. Для гэтага па 18 лютага неабходна зрабіць сэлфі на выбарчым участку і размясціць яго ў сацыяльнай сетцы «УКантакце» з хэштэгамі #Молодежь_выбирает, #Выборы2018. З 19 па 21 лютага ў афіцыйнай групе Мінскай гарадской арганізацыі саюза моладзі «УКантакце» пройдзе адкрытае галасаванне на самае лепшае фота акцыі. Пераможцы, а таксама найлепшыя 50 работ будуць адзначаны сувенірамі.


Нагадаем, што па ініцыятыве Мінскай гарадской арганізацыі БРСМ ва ўсіх рэгіёнах краіны рэалізуецца акцыя «#Моладзь вырашае!», прымеркаваная да правядзення выбараў, падчас якой кожны ахвотны выбаршчык можа напісаць патэнцыйным дэпутатам пажаданні, апусціўшы іх у спецыяльныя скрыні, устаноўленыя ў месцах правядзення пікетаў БРСМ у падтрымку кандыдатаў у дэпутаты, а таксама ў час маладзёжных акцый, прысвечаных выбарам. Акрамя таго, гэтай арганізацыі належыць ініцыятыва па стварэнні і запуску мабільнай праграмы «Галасую» ў дапамогу выбаршчыкам.

Таксама ў дні датэрміновага галасавання і ў дзень выбараў валанцёры руху БРСМ «Добрае Сэрца» акажуць дапамогу ветэранам Вялікай Айчыннай вайны і інвалідам у іх суправаджэнні на выбарчыя ўчасткі. Усяго плануецца задзейнічаць каля тысячы добраахвотнікаў. Пры Мінскай гарадской арганізацыі саюза моладзі працуе гарачая лінія (284 85 54), куды можа звярнуцца і пакінуць заяўку той, хто мае патрэбу ў дапамозе.

Нядаўна прайшлі трэнінгі з удзелам каля ста прадстаўнікоў валанцёрскага руху БРСМ «Добрае Сэрца», на якім працягнулася навучанне добраахвотнікаў неабходным навыкам аказання дапамогі маламабільным выбаршчыкам у перыяд работы выбарчых участкаў у сталіцы падчас выбараў дэпутатаў у Мінгарсавет. У праграму практычных заняткаў былі ўключаны трэнінгі па этыцы стасункаў, майстар-класы з невідушчымі людзьмі і Беларускага таварыства інвалідаў.

Па 18 лютага з 9.00 да 21.00 будзе працягнутая работа штаба Мінскай гарадской арганізацыі БРСМ па ўдзеле моладзі ў выбарах у Мінскі гарадскі Савет дэпутатаў 28-га склікання.

Сяргей РАСОЛЬКА

Загаловак у газеце: Зрабі сваё фота на выбарчым участку!

Дадаць каментар

Выбар рэдакцыі

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.

Спорт

Настасся Чарняўская: Трэба, каб людзі ведалі: бадмінтон — рэальны спорт

Настасся Чарняўская: Трэба, каб людзі ведалі: бадмінтон — рэальны спорт

Якія задачы ставяцца перад камандай у 2019 годзе і што самае важнае ў бадмінтоне?

Грамадства

Які ўрок лепшы: перакулены або традыцыйны?

Які ўрок лепшы: перакулены або традыцыйны?

Як зрабіць, каб у вучняў загарэліся вочы?

Грамадства

Губернатар Гродзеншчыны - пра перспектыўныя праекты рэгіёна

Губернатар Гродзеншчыны - пра перспектыўныя праекты рэгіёна

Горад-спадарожнік, анкалагічны цэнтр, «вёскі будучыні»...