Вы тут

Сёлетні "Славянскі базар у Віцебску" паб'е мінулагодні рэкорд праектаў


Колькасць праектаў на пляцоўках "Славянскага базару ў Віцебску - 2018" будзе большай, чым у мінулым годзе. Аб гэтым паведаміў генеральны дырэктар Цэнтра культуры "Віцебск", дырэктар міжнароднага фестывалю мастацтваў "Славянскі базар у Віцебску" Аляксандр Сідарэнка.


"На ўсіх фестывальных пляцоўках у гэтым годзе павялічылася колькасць праектаў. Так, 19 вялікіх канцэртаў пройдзе ў Летнім амфітэатры, усе яны вельмі разнастайныя. Задзейнічаны максімальна і астатнія пляцоўкі - па 2-3 праекты ў дзень", - расказаў Аляксандр Сідарэнка.

У аснове канцэпцыі гэтага года тэма малой радзімы, якая знойдзе адлюстраванне ў канцэртах адкрыцця і закрыцця, відэакантэнце, выступленнях артыстаў, а таксама значныя для форуму юбілейныя даты - 80-годдзе кампазітара народнага артыста Беларусі Ігара Лучанка, 30-годдзе з даты правядзення фестывалю польскай песні і будаўніцтва Летняга амфітэатра.

У гэтым годзе плануецца вельмі шмат выступленняў аркестраў - і Эміра Кустурыцы, і Горана Брэгавіча, і "Фанограф-Сімфа-Джаз" (канцэрт да Дня Саюзнай дзяржавы). Задзейнічаны дзяржаўны аркестр пад кіраўніцтвам Міхаіла Фінберга, аркестр пад кіраўніцтвам Святланы Бязроднай, праект "Аркестр мары" Алега Меньшыкава. "Акрамя таго, усе вуліцы горада будуць запоўнены мерапрыемствамі, у тым ліку з удзелам прыезджых аркестраў і музыкантаў - сапраўднае каралеўства музыкі", - дадаў Аляксандр Сідарэнка.

Таксама ён адзначыў эксклюзіўныя для Віцебска праекты, як з удзелам даўніх сяброў форуму, так і яго "навічкоў". Напрыклад, упершыню на "Славянскім базары" пройдуць канцэрты рэпера Цімаці, групы "Мумій Троль", зборнік "Маладзёжныя рытмы лета" з удзелам папулярных выканаўцаў, начны гумарыстычны праект Міхаіла Галусцяна і Аляксандра Рэвы.

Шырока будзе прадстаўлена мастацтва Украіны і Казахстана. Традыцыйна пройдзе Дзень моладзі са сваімі яркімі праектамі: арт-парадам, фестывалем "Агонь танца" і фестывалем субкультур і здаровага ладу жыцця, патрыятычнай акцыяй, гала-канцэртам фіналістаў рэспубліканскага прафсаюзнага конкурсу "Новыя імёны Беларусі".

Поўная праграма форуму апублікавана на афіцыйным сайце фестывалю. Тут ужо можна знайсці мерапрыемствы, якія пройдуць у канцэртнай зале "Віцебск", на сцэне НАДТ імя Якуба Коласа і тэатра "Лялька", а таксама ў Віцебскай абласной філармоніі і ў Летнім амфітэатры.

XXVII Міжнародны фестываль мастацтваў "Славянскі базар у Віцебску" пройдзе з 12 па 16 ліпеня. Дадатковыя мерапрыемствы запланаваны 7-11 і 17-18 ліпеня.

БЕЛТА

Выбар рэдакцыі

Спорт

Фігурыст Юрый Гуліцкі: Думаю, турнір у Мінску будзе класны

Фігурыст Юрый Гуліцкі: Думаю, турнір у Мінску будзе класны

У дваццатых чыслах студзеня ў Мінску ўпершыню пройдзе маштабны турнір па фігурным катанні.

Грамадства

Дзе шукаць рэчы, забытыя ў грамадскім транспарце

Дзе шукаць рэчы, забытыя ў грамадскім транспарце

​Кожны з нас хоць раз у жыцці адчуваў сябе «машкай-разявашкай».

Калейдаскоп

На «Песні года Беларусі» артысты прызнаваліся ў любові да родных мясцін

На «Песні года Беларусі» артысты прызнаваліся ў любові да родных мясцін

У мінулую пятніцу ў Мінску прайшоў заключны канцэрт «Песні года Беларусі».