Вы тут

За першыя дні палявання на птушак дзяржінспектары канфіскавалі 20 стрэльбаў


Зроблена гэты было з-за парушэнняў правілаў палявання і праблем з дакументамі, паведамілі ў Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь.


Узмоцнены кантроль з боку дзяржінспектараў ў першыя дні палявання на птушак паказаў, што не ўсе паляўнічыя належным чынам падрыхтаваліся да адкрыцця сезона, а нехта і зусім адважыўся на відавочнае парушэнне.

Пры выбарачнай праверцы дакументаў аказалася, што ў паляўнічых у Кобрынскім і Гарадоцкім раёнах былі пратэрмінованы дазволу на нашэнне зброі, у Гродзенскім раёне паляўнічы выйшаў ва ўгоддзі без дзяржпасведчання на права палявання. Двух паляўнічых на Светлагорскім вадасховішчы заспелі з расчахлёнай зброяй у начны час, на Бярэзіне мужчына пры паляванні скарыстаўся лодкай з маторам.

Як распавялі далей у Дзяржінспекцыі, яшчэ адно грубае парушэнне — нашэнне забароненых боепрыпасаў. Уладальнікам пуцёўкі на птушыную дзічыну дазволена выкарыстоўваць толькі дроб, тым не менш патроны з кулямі і карцеччу выявілі ў шасцярых паляўнічых. Траіх з іх затрымалі на тэрыторыі Дзяржынскага раёна. У тым жа раёне два паляўнічыя “зайшлі” ў зону спакою ўгоддзяў каля вёскі Рудня і падстрэлілі там трох качак. Шкода ад такога палявання вылічаецца ў трохразовым памеры, яна склала 270 базавых велічынь (6,6 тысячы рублёў), вырашаецца пытанне аб крымінальнай адказнасці парушальнікаў.

Таксама ў забароненым месцы — паблізу Вілейскага вадасховішча, і да таго ж без дакументаў, — палявалі яшчэ два парушальніка. У Быхаўскім, Столінскім і Маладзечанскім раёнах дзяржінспектары затрымалі паляўнічых з незарэгістраванай зброяй.

За парушэнні правілаў палявання без прычынення буйнога ўрону вінаватых чакае адміністрацыйная адказнасць у выглядзе штрафу, таксама прадугледжана пазбаўленне спецыяльнага права і канфіскацыя зброі.

У ходзе кантролю за выкананнем правілаў палявання работнікі Жлобінскай міжрайінспекцыі атрымалі інфармацыю, што жыхар вёскі Матневічы Чачэрскага раёна трымае на падворку чырванакніжнага барсука. Пры выездзе на месца паведамленне пацвердзілася: як устанавілі інспектары, у пачатку лета мужчына адлавіў жывёлу ў паляўнічых угоддзях і прывёз дадому. За незаконную транспарціроўку чырвонакніжніка вяскоўцу пагражае буйны штраф. Барсука агледзеў ветурач, пасля гэтага яго выпусцілі.

Сяргей РАСОЛЬКА

Дадаць каментар

Выбар рэдакцыі

Грамадства

Зміцер Жылуновіч. Таварыш пясняр

Зміцер Жылуновіч. Таварыш пясняр

Ён быў аўтарам Маніфеста аб абвяшчэнні Савецкай Беларусі, першым прэм'ер-міністрам рэспублікі, яго двойчы выключалі з партыі, ён мог стаць першым народным паэтам...

Грамадства

Трансфармацыя адукацыі: поўнае паглыбленне... у лічбу

Трансфармацыя адукацыі: поўнае паглыбленне... у лічбу

Ці спросціць «Электронная школа» жыццё педагогам і як гэта адаб'ецца на якасці ведаў?

Грамадства

Прэзідэнт зрабіў кадравыя прызначэнні

Прэзідэнт зрабіў кадравыя прызначэнні

Аляксандр Лукашэнка даў згоду на прызначэнне рэктараў і кіраўнікоў раёнаў і прадпрыемстваў.

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.