Вы тут

Замежныя пасылкі зноў пацяжэюць?


Ліміт бяспошлінных пасылак могуць павялічыць да 200 долараў.

Міністэрства сувязі і інфарматызацыі прапануе павялічыць ліміт бяспошлінных замежных пасылак да 200 долараў і 31 кілаграма вагі. Праект адпаведнага ўказа рыхтуецца і будзе ўнесены на разгляд кіраўніку дзяржавы. Пра гэта днямі паведаміў міністр сувязі Канстанцін Шульган.


На цяперашнім этапе, паводле яго слоў, гэтая прапанова міністэрства ўзгоднена з поштай. Нагадаем, што абмежаванні на атрыманне тавараў з-за мяжы ў нашай краіне ўвялі з красавіка 2016 года. У цяперашні час у краіне можна атрымаць па пошце тавар на суму не больш за 22 еўра ў месяц і вагой не больш за 10 кілаграмаў. У выпадку перавышэння ліміту прыйдзецца заплаціць пошліну 30 % ад мытнага кошту тавару і не менш за 4 еўра за кілаграм.

Пасля ўвядзення гэтага ліміту бяспошліннага ўвозу інтэрнэт-пакупак з'явілася інфармацыя, што яго могуць перагледзець у сувязі з уніфікацыяй з правіламі ў іншых краінах, якія ўваходзяць у ЕАЭС. Да ўвядзення абмежаванняў у нас ужо быў парог бязмытнага ўвозу на ўзроўні 200 еўра і 31 кілаграма вагі ў месяц.

У Расіі падобны ліміт пакуль што складае 1000 еўра і 31 кілаграм у месяц. Але ў канцы 2017 года Саветам Еўразійскай эканамічнай камісіі было зацверджана рашэнне знізіць ліміт бяспошліннага ўвозу з 1000 да 500 еўра з 2019 года, а затым да 200 еўра — з 2020-га.

Сяргей КУРКАЧ

Дадаць каментар

Выбар рэдакцыі

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.

Спорт

Настасся Чарняўская: Трэба, каб людзі ведалі: бадмінтон — рэальны спорт

Настасся Чарняўская: Трэба, каб людзі ведалі: бадмінтон — рэальны спорт

Якія задачы ставяцца перад камандай у 2019 годзе і што самае важнае ў бадмінтоне?

Грамадства

Які ўрок лепшы: перакулены або традыцыйны?

Які ўрок лепшы: перакулены або традыцыйны?

Як зрабіць, каб у вучняў загарэліся вочы?

Грамадства

Губернатар Гродзеншчыны - пра перспектыўныя праекты рэгіёна

Губернатар Гродзеншчыны - пра перспектыўныя праекты рэгіёна

Горад-спадарожнік, анкалагічны цэнтр, «вёскі будучыні»...