22 Кастрычнік, панядзелак

Вы тут

У аснове сусветнай бяспекі і стабільнасці ляжыць эканамічнае супрацоўніцтва


Такую думку ўчора выказаў Старшыня Палаты прадстаўнікоў Нацыянальнага сходу Беларусі Уладзімір Андрэйчанка, выступаючы на трэцяй нарадзе спікераў парламентаў краін Еўразіі. Тэма форуму, які праходзіць у турэцкай Анталіі, — «Эканамічнае супрацоўніцтва, навакольнае асяроддзе і ўстойлівае развіццё ў Еўразіі».


Уладзімір Андрэйчанка расказаў пра знешнепалітычныя прынцыпы і ініцыятывы Беларусі для вырашэння рэгіянальных праблем. Давер паміж дзяржавамі падрываюць стэрэатып несумяшчальнасці Усходу і Захаду, стаўка на сілу ў вырашэнні міжнародных праблем.

“Неабходна як мага хутчэй надаць імпульс дыялогу па пытаннях бяспекі, выпрацаваць комплекс мер па аднаўленні ўзаемнага даверу і супрацоўніцтва. Менавіта на гэта нацэлена ініцыятыва кіраўніка беларускай дзяржавы аб перазапуску Хельсінкскага працэсу”, — адзначыў спікер Палаты прадстаўнікоў.

Пры гэтым Беларусь не выступае за перагляд прынцыпаў Хельсінкскага заключнага акта.

Уладзімір Андрэйчанка падкрэсліў: «Варта пачаць дыскусію, якая дазволіла б вызначыць найбольш вострыя праблемы, каб сумесна прыступіць да іх вырашэння. Гэтую працу трэба весці ва ўсіх магчымых фарматах і на ўсіх узроўнях. Беларусь, з'яўляючыся донарам рэгіянальнай бяспекі, можа даць пляцоўку для такога роду мерапрыемстваў».

Дыялог двух саюзаў — Еўрапейскага і Еўразійскага эканамічнага, рэалізацыя ініцыятывы Эканамічнага пояса Шоўкавага шляху ў перспектыве прынясуць выгаду для ўсіх бакоў.  У гэтым ключы асаблівая роля належыць Беларусі як мосту паміж Еўропай і Азіяй. Таму будучай вясной беларускія дэпутаты правядуць міжнародную канферэнцыю Групы падтрымкі Шаўковага шляху, створанай у рамках ПА АБСЕ.

Акрамя таго, дзякуючы свайму вопыту ў сферы сельскай гаспадаркі, Беларусь можа садзейнічаць умацаванню харчовай бяспекі ў Еўразіі. Акцэнтаваў увагу Уладзімір Андрэйчанка і на рэалізацыі Мэт устойлівага развіцця ў нашай краіне: «У цэлым рэалізацыя курсу сацыяльна-эканамічнага развіцця краіны цалкам адпавядае духу Павестка — 2030. Беларусь прымала актыўны ўдзел у яе распрацоўцы і паспяхова выконвае ўзятыя на сябе абавязацельствы па дасягненню мэт, накіраваных на паступальны рост узроўню жыцця людзей. У нашай краіне заснаваны пост Нацыянальнага каардынатара па дасягненню Мэт устойлівага развіцця».

На палях нарады спікераў парламентаў краін Еўразіі Уладзімір Андрэйчанка правёў перамовы са сваімі калегамі з Кыргызстана, Узбекістана, Вьетнама і Казахстана. На рабочай сустрэчы са старшынёй Дзяржаўнай Думы Расіі Вячаславам Валодзіным абмеркаваны пытанні міжпарламенцкага ўзаемадзеяння і падрыхтоўкі мерапрыемстваў па лініі Парламенцкага сходу Саюза Беларусі і Расіі.

Марыя ДАДАЛКА

Дадаць каментар

Выбар рэдакцыі

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.

Спорт

Настасся Чарняўская: Трэба, каб людзі ведалі: бадмінтон — рэальны спорт

Настасся Чарняўская: Трэба, каб людзі ведалі: бадмінтон — рэальны спорт

Якія задачы ставяцца перад камандай у 2019 годзе і што самае важнае ў бадмінтоне?

Грамадства

Які ўрок лепшы: перакулены або традыцыйны?

Які ўрок лепшы: перакулены або традыцыйны?

Як зрабіць, каб у вучняў загарэліся вочы?

Грамадства

Губернатар Гродзеншчыны - пра перспектыўныя праекты рэгіёна

Губернатар Гродзеншчыны - пра перспектыўныя праекты рэгіёна

Горад-спадарожнік, анкалагічны цэнтр, «вёскі будучыні»...