Вы тут

Расійская Федэрацыя — асноўны гандлёвы партнёр Міншчыны


Расійская Федэрацыя — асноўны гандлёвы партнёр Міншчыны: яе ўдзельная вага ў агульным тавараабароце сёлета па выніках першага паўгоддзя склала амаль 40 %.


Фота: БЕЛТА

Асаблівасцю экспартных аперацый Мінскай вобласці з Расійскай Федэрацыяй з'яўляецца значная ўдзельная вага паставак харчовых тавараў. На іх долю прыходзіцца 28,7 %, або 505,5 мільёна долараў. Сыры, тварог, мяса птушкі — асноўныя пазіцыі экспарту. З Расіі завозяцца прадукты перапрацоўкі нафты, рухавікі і электрычныя генератары, неапрацаваны алюміній, мінеральныя і хімічныя ўгнаенні, якія ўтрымліваюць два або тры элементы сілкавання, сыравіна і матэрыялы для прамысловай вытворчасці.

Пры гэтым найбольш важнымі з'яўляюцца пытанні прамысловай кааперацыі, паставак харчавання, сельскагаспадарчай прадукцыі, узаемадзеяння ў прамысловым комплексе, а таксама свабода перамяшчэння і транзіту тавараў, падкрэслілі ва ўпраўленні знешнеэканамічных сувязяў камітэта па эканоміцы Мінаблвыканкама.

Ва ўзаемавыгадных сувязях з расійскімі рэгіёнамі ўдзельнічаюць суб'екты гаспадарання Міншчыны ўсіх формаў уласнасці. Напрыклад, летась у гэтую краіну ажыццяўлялі экспарт 1400 прадпрыемстваў. У ліку асноўных экспарцёраў — адкрытае акцыянернае таварыства «БелАЗ — упраўляючая кампанія холдынга «БелАЗ-холдынг», закрытае акцыянернае таварыства «Штадлер Мінск», сумеснае таварыства з абмежаванай адказнасцю «Алюмінтэхна», таварыства з абмежаванай адказнасцю «Алютэх Варотныя Сістэмы», адкрытыя акцыянерныя таварыствы «Слуцкі сыраробны камбінат», «Смалявічы — бройлер», прадпрыемствы мясамалпрама.

На папярэднім Форуме рэгіёнаў Беларусі і Расіі суб'ектамі гаспадарання сталічнай вобласці былі заключаны кантракты на суму больш за 160 мільёнаў долараў. У межах падрыхтоўкі да V Форуму ўжо былі заключаны кантракты на суму 175,6 мільёна долараў. І гэта не канчатковая лічба, паколькі яшчэ будуць улічаны кантракты, заключэнне якіх запланавана ў кастрычніку (усяго каля 200 дагавораў, у тым ліку БелАЗам на суму больш як 90 мільёнаў долараў.

Дарэчы, Мінскай вобласцю заключана 40 пагадненняў (дагавораў) аб супрацоўніцтве з рэгіёнамі Расіі, што дазваляе ажыццяўляць узаемадзеянне на доўгатэрміновай аснове. Дзейнічае таксама 99 пагадненняў аб супрацоўніцтве паміж раёнамі і горадам Жодзіна і адміністрацыйна-тэрытарыяльнымі адзінкамі Расійскай Федэрацыі, прадстаўнікамі вышэйшых і мясцовых органаў улады дзвюх краін.

Да тэмы

Наталля Якубіцкая, старшыня Мінскага абласнога Савета дэпутатаў:

— Дагавор аб супрацоўніцтве заключаны паміж заканадаўчым сходам Ленінградскай вобласці і Мінскім абласным Саветам дэпутатаў. Мы запрашалі калег прыняць удзел у форуме. Але яны не змогуць прыехаць з аб'ектыўных прычын. У планах — заключэнне такога ж пагаднення са Свярдлоўскім заканадаўчым сходам. Пытанне яшчэ прапрацоўваецца, паколькі, як кажуць, з наскоку такія дакументы не прымаюцца. У пачатку наступнага года ў Мінскую вобласць чакаецца візіт губернатара Свярдлоўскай вобласці, у межах якога плануем падпісаць адпаведны дагавор.

Таццяна ЛАЗОЎСКАЯ

Загаловак у газеце: Доўгатэрміновае супрацоўніцтва

Дадаць каментар

Выбар рэдакцыі

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.

Спорт

Настасся Чарняўская: Трэба, каб людзі ведалі: бадмінтон — рэальны спорт

Настасся Чарняўская: Трэба, каб людзі ведалі: бадмінтон — рэальны спорт

Якія задачы ставяцца перад камандай у 2019 годзе і што самае важнае ў бадмінтоне?

Грамадства

Які ўрок лепшы: перакулены або традыцыйны?

Які ўрок лепшы: перакулены або традыцыйны?

Як зрабіць, каб у вучняў загарэліся вочы?

Грамадства

Губернатар Гродзеншчыны - пра перспектыўныя праекты рэгіёна

Губернатар Гродзеншчыны - пра перспектыўныя праекты рэгіёна

Горад-спадарожнік, анкалагічны цэнтр, «вёскі будучыні»...