Вы тут

Зброю і боепрыпасы канфіскавалі ў чорных капальнікаў у Віцебскай вобласці


Арсенал зброі і боепрыпасаў канфіскавалі ў чорных капальнікаў ў Віцебскай вобласці, паведаміў БЕЛТА начальнік аддзела па барацьбе з арганізаванай злачыннасцю 7-га ўпраўлення (па Віцебскай вобласці) ГУБАЗіК МУС Руслан Базіятаў.


Супрацоўнікі 7-га ўпраўлення (па Віцебскай вобласці) ГУБАЗіК МУС сумесна з АМАПам падчас аператыўна-вышуковых мерапрыемстваў у дачыненні да чорных капальнікаў 9 кастрычніка ў гаражы па вул. Гагарына ў Віцебску ў непрацуючага жыхара горада канфіскавалі арсенал зброі. Сярод знаходак рэвальвер Сміта-Весана, французская вінтоўка Лебеля, карабін "Маўзэр", вінтоўка Мосіна, больш за 70 складовых частак ад іншай зброі, амаль 800 патронаў, банка пораху, фрагменты ўніверсальнага авіяцыйнага кулямёта Бярэзіна часоў Вялікай Айчыннай вайны і складовыя часткі ручнога кулямёта Дзегцярова. Гаспадар арсенала раней судзімы не быў.

А 10 кастрычніка праваахоўнікі знайшлі ў жыхара Верхнядзвінскага раёна два самаробных пісталета, больш за 150 патронаў, порах і амаль 30 складовых частак ад зброі. Мужчына быў раней судзімы па ч.2 арт. 295 КК.

"Прызначаныя адпаведныя экспертызы, па выніках якіх будзе дадзена прававая ацэнка дзейнасці двух мужчын", - адзначыў Руслан Базіятаў.

Праводзіцца праверка.

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра дастаўку шафы, пасажыра вярхом на памідоры і канцэрт Віктара Вуячыча.