Вы тут

У нядзелю па ўсходзе - мокры снег


Калі на паўднёвым захадзе плюс 12 градусаў, то на ўсходзе — каля нуля і мокры снег

У найбліжэйшыя дні надвор'е будзе па-ранейшаму вызначаць вобласць павышанага ціску, сфарміраваная ў вільготным паветры, паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


У суботу будзе без істотных ападкаў. Месцамі туман. Тэмпература паветра ўначы па краіне складзе ад мінус 2 да плюс 5 градусаў, удзень — 3—10 цяпла. На паўднёвымзахадзе краіны будзе крыху цяплей — плюс 11—12 градусаў. У нядзелю месцамі па краіне пройдуць невялікія кароткачасовыя дажджы, па ўсходзе краіны магчымы мокры снег і слабы галалёд. Тэмпература паветра ўначы складзе ад нуля да плюс 5 градусаў, пры праясненнях яна панізіцца да мінус 2 градусаў. Днём сіноптыкі прагназуюць 2—9 цяпла, па паўднёвым захадзе краіны — да плюс 11 градусаў.

У нядзелю і панядзелак тэрыторыя краіны будзе знаходзіцца на перыферыі халоднага антыцыклону з цэнтрам над Сярэдняй Волгай, у паўднёва-заходніх раёнах краіны надвор'е будуць фарміраваць больш цёплыя вільготныя паветраныя масы, якія паступаюць з Заходняй Еўропы. Паводле папярэдніх прагнозаў айчынных сіноптыкаў, у панядзелак месцамі па краіне пройдуць кароткачасовыя ападкі (дождж, па ўсходняй палове краіны з мокрым снегам), якія будуць суправаджацца парывістым ветрам. Уначы і раніцай месцамі захаваецца туман. Па ўсходняй палове краіны магчымы слабы галалёд, на дарогах галалёдзіца. Тэмпература паветра ўначы складзе ад плюс 1 да плюс 7 градусаў, ва ўсходніх раёнах яна панізіцца да нуля — мінус 3 градусаў. Удзень тэмпература па краіне складзе ад нуля па ўсходзе краіны да плюс 12 градусаў па паўднёвым захадзе краіны.

Сяргей КУРКАЧ

Дадаць каментар

Выбар рэдакцыі

Грамадства

Зміцер Жылуновіч. Таварыш пясняр

Зміцер Жылуновіч. Таварыш пясняр

Ён быў аўтарам Маніфеста аб абвяшчэнні Савецкай Беларусі, першым прэм'ер-міністрам рэспублікі, яго двойчы выключалі з партыі, ён мог стаць першым народным паэтам...

Грамадства

Трансфармацыя адукацыі: поўнае паглыбленне... у лічбу

Трансфармацыя адукацыі: поўнае паглыбленне... у лічбу

Ці спросціць «Электронная школа» жыццё педагогам і як гэта адаб'ецца на якасці ведаў?

Грамадства

Прэзідэнт зрабіў кадравыя прызначэнні

Прэзідэнт зрабіў кадравыя прызначэнні

Аляксандр Лукашэнка даў згоду на прызначэнне рэктараў і кіраўнікоў раёнаў і прадпрыемстваў.

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.