Вы тут

...Бо сяброў сапраўды не мяняюць


Пасля заканчэння факультэта журналістыкі Белдзяржуніверсітэта я пяць гадоў працаваў у Стаўбцоўскай раённай газеце «Прамень» і вось ужо трыццаць — ва Уздзенскай «Чырвонай зорцы». За гэты час даводзілася мець справы (супрацоўнічаць альбо друкавацца) з абласным і пераважнай большасцю рэспубліканскіх выданняў, не адно з іх выпісваць на большы ці меншы тэрмін, пастаянна купляць у кіёсках Белсаюздруку. Такім чынам, у кожнай газеты выяўляліся як свае плюсы, так і мінусы. А вось надзейным, правераным сябрам усе 35 гадоў была і застаецца «Звязда».


Цікавасць да яе пачалася з таго, што, атрымаўшы свежы нумар, пачынаў шукаць там прозвішчы знаёмых па вучобе журналістаў Алены Ціхановіч і Валянціна Жданко, потым — іншых маладых ці не вельмі, але дасведчаных, адказных за справу прафесіяналаў... У тыя не такія ўжо і даўнія 90-я мінулага стагоддзя «Звязда», як ніякая іншая газета, была смелай, уважлівай да праблем чалавека, адказнай за кожнае слова.

Апроч таго, вялікім дасягненнем звяздоўцаў была і застаецца іх прыхільнасць да роднага слова. Па сутнасці, гэта выданне — ці не адзіны суразмоўнік, які гаварыў, гаворыць і, спадзяюся, будзе гаварыць з чытачом па-беларуску. Прыклад «Звязды» дапамагаў і мне на сваім узроўні на працягу дзесяцігоддзяў адстойваць такую ж пазіцыю: у раённай газеце Уздзеншчыны (радзімы многіх класікаў беларускай літаратуры, вядомых дзеячаў культуры і мастацтва) на рускай мове друкуюцца толькі вершы, праграма тэлебачання ды асобныя рэкламныя матэрыялы. Такой жа пазіцыі прытрымліваліся і калегі са Стоўбцаў, Валожына, некаторых іншых раёнаў Міншчыны.

...Друкаваліся на старонках «Звязды» і мае допісы — краязнаўчыя артыкулы, літаратурныя спробы, праўдзівыя гісторыі ў рубрыцы «Алё, народ на провадзе!», вершаваныя радкі на конкурс «Хто каго?».

Зрэшты, не буду пералічваць рубрыкі ды прозвішчы аўтараў, якія найбольш падабаюцца. Густ у кожнага свой. А вось што несумненна, дык гэта высокі ўзровень «Звязды», газеты, у «асобе» якой, відаць, кожны знойдзе калі не вернага сябра, то шчырага суразмоўніка.

Віктар Сабалеўскі, г. Узда

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Палітыка

Аляксандр Лукашэнка сустрэўся з прадстаўнікамі СМІ Расіі

Аляксандр Лукашэнка сустрэўся з прадстаўнікамі СМІ Расіі

Некалькі рэчаў сёлета адбываюцца ўпершыню.

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.