У Маскве Абаму будуць ахоўваць знiшчальнiкi
Японiя хоча вярнуць сабе Курылы?
Верхняя палата японскага Какая (парламента) 3 лiпеня аднагалосна прыняла закон,
якi прызнае астравы Ітуруп, Шыкатан, Кунашыр i архiпелаг Хабамаi неад'емнай часткай
Японii i заклiкае прыняць меры па iх вяртаннi.
РФ лiчыць, што названыя астравы ўваходзяць у склад расiйскiх Курыльскiх астравоў,
спасылаючыся на вынiкi Другой сусветнай вайны. Японскi бок паказвае на Сiмодскi
трактат аб гандлi i межах — першая расiйска-японская дамова, падпiсаная ў 1855
годзе. Паводле гэтага дакумента, мяжа памiж краiнамi праходзiць памiж астравамi
Iтуруп i Уруп, i, такiм чынам, названыя тэрыторыi "з'яўляюцца японскiмi".
У Маскве Абаму будуць ахоўваць знiшчальнiкi
Спецслужбы i праваахоўныя органы Расii прымаюць беспрэцэдэнтныя меры бяспекi
ў сувязi з вiзiтам 6-8 лiпеня ў Маскву прэзiдэнта ЗША Барака Абамы.
У дзяжурным рэжыме будуць знаходзiцца ваенна-паветраныя сiлы Маскоўскага ваеннай
акругi. "Некалькi дзясяткаў знiшчальнiкаў будуць знаходзiцца на баявым дзяжурстве
на аэрадромах. Акрамя таго, паветраная прастора Маскоўскага рэгiёна будзе абвешчана
беспалётнай зонай", — адзначыў прадстаўнiк спецслужбаў.
Арсенал i 200 лiтраў марыхуаны
Падчас вобыску ў 44-гадовага жыхара вёскi Старцава Арлоўскай вобласцi знайшлi
дзве 100-лiтровыя пластыкавыя бочкi, шчыльна набiтыя марыхуанай.
Усяго ў бочках, якiя стаялi ў склепе сярод нарыхтовак на зiму, было 25 кiлаграмаў
наркотыку высокай якасцi. Таксама ў затрыманага знайшлi 31 куст канапель. Для
iх вырошчвання ён спецыяльна абсталяваў аранжарэю, у якой былi лямпы дзённага
святла, спецыяльнае абсталяванне падтрымлiвала тэмпературу i вiльготнасць паветра,
а да чыгуноў з каноплямi былi падведзеныя люлечкi для аўтаматычнай падачы ўгнаенняў.
Таксама ў доме была знойдзеная мiлiцэйская форма з маёрскiмi пагонамi, 2 пiсталеты,
пiсталет-кулямёт саматужнай вытворчасцi, абрэз i паляўнiчая стрэльба, пяць гранат,
пяць дэтанатараў, патроны. Затрыманы нiколi не служыў у праваахоўных органах.
Помнiк шакаладу
У Расii ў горадзе Пакроў Уладзiмiрскай вобласцi адкрылi помнiк шакаладу.
Помнiк у выглядзе трохметровай бронзавай феi з шакаладкай у руцэ ўсталявалi ў
скверы непадалёку ад гарадскога музея шакаладу. Па звнстках кампанii Krаft Fооds,
якая прафiнансавала стварэнне скульптуры, гэта першы ў свеце помнiк названаму
прадукту. |